საჭირო ინგრედიენტები: 2ც ვაშლი (მოზრდილი); 1ც კვერცხი; 100 მლ. რძე; 1ჩ.კ. შაქარი; 1 ს.კ. ზეთი; 5 ს.კ. პურის ფქვილი; ვანილი, მწიკვი მარილი; შაქრის პუდრში შერეული ცოტაოდენი დარიჩინი.
მომზადების წესი: 1. ვაშლი გავთალოთ, დავჭრათ მრგვალად, გულიც ასევე მრგვალად ამოვაჭრათ. 2. მოვამზადოთ ჩვეულებრივი ბლინის ცომი: რძე, კვერცხი, შაქარი, მარილი, ზეთი, ვანილი და ფქვილი. 3. ცომში ამოვავლოთ ვაშლის "ბორბლები", მოვათავსოთ ზეთიან ტაფაზე და შევბრაწოთ ორივე მხრიდან. 4. გამზადებულ ბორბლებს თეფშზე მოვაყრით შაქრის პუდრს და დარიჩინს გემოვნებით. გემრიელად მიირთვით თქვენს პატარასთან ერთად!
|