მარტივი ორცხობილა მომზადებული ფხვიერი ცომისგან.
მთავარია იქონიოთ კარგი შოკოლადი და არ დაგავიწყდეთ კარაქი მაცივრიდან ცოტა ადრე გამოიღოთ. ამ ცომით აგრეთვე ძალიან გემრიელი „ტარტალეტკები" გამოდის.
გაალღვეთ 100გრ შოკოლადი და გააგრილეთ ოთახის ტემპერატურამდე. 170გრ ოთახის ტემპერატურის კარაქი აურიეთ 50გრ შაქრის პუდრასთან ერთად-კრემის მაგვარი მასის მიღებამდე, დაუმატეთ შოკოლადი.
კარგად აურიეთ.
ნელნელა დაუმატეთ 250გრ ფქვილი.
ასეთი კონსისტენციის ცომი უნდა გამოგივიდეთ.
გააკეთეთ ცომისგან გუნდა.
მიეცით მას ძეხვის ფორმა და შეინახეთ მაცივარში ნახევარი საათით. შემდეგ დაჭერით 1სმ სისქის ნაჭრებად, დაალაგეთ საცხობ ლანგარზე და გამოაცხვეთ 180გრადუსზე 15 წუთის განმავლობაში.
გემრიელად მიირთვით!