ამ მარტივ, მაგრამ ძალიან გემრიელ ნამცხვარს ჯულია ჩაილდი აცხობდა(ჯულია ჩაილდი ცნობილი კულინარული გადაცემის წამყვანი. მის ცხოვრებაზე გადაღებულია ფილმი „ჯულია და ჯულია")
ინგრედიენტები 23-25 სმ დიამეტრის ფორმისთვის:
175გრ შავი შოკოლადი, კაკაოს შემცველობა არა ნაკლებ 72%
175გრ კარაქი
160გრ შაქარი
4 კვერცხი(განცალკევებული გული ცილისგან)
2სუფრის კოვზი ბრენდი/რომი
75გრ ნუშის ფქვილი(წვრილად დაფქული ნუში)
35გრ ფქვილი
ჩაის კოვზის მეოთხედი მარილი
მოსართავად:
175გრ შოკოლადი
125მლ ნაღები
1 სუფრის კოვზი რომი
მომზადების წესი:
გაალღვეთ კარაქი და შოკოლადი. პარალელურად ათქვიფეთ კვერცხის გულები 80გ შაქართან ერთად, მასა უნდა გაღიავდეს და მოიმატოს ზომაში. ათქვეფილ გულებს დაუმატეთ გამდნარი შოკოლადი, რომი და ორივე სახის ფქვილი, ფრთხილად მოურიეთ კოვზით-მოძრაობა ქვევიდან ზევით უნდა იყოს მიმართული. ათქვიფეთ ცილა დარჩენილ შაქართან ერთად მყარი ქაფის მიღებამდე. დაუმატეთ 2 პორციად ათქვეფილი ცილები შოკოლადის მასას და ფრთხილად, კოვზით, მოურიეთ.
ფორმა ცხიმწასმული ქაღალდით ამოფინეთ, მოათავსეთ შიგნით ცომი და ფორმა წინასწარ 180გრადუსზე გახურებულ ღუმელში 30წთ-ით მოათავსეთ. მზა ნამცხვრის შუაგული ოდნავ ნოტიო უნდა იყოს, ნამცხვარი ფორმაში გააგრილეთ და შემდგომ მოასხით განაში(გაალღვეთ შოკოლადი და დაუმატეთ ნაღები და რომი, აურიეთ).