მოსამზადებლად დაგჭირდებათ:

თევზის ფილე - 500 გრ. კომბოსტო - 100 გრ. სტაფილო - 1 ცალი, ხახვი - 1 ცალი, ოხრახუში, კამა, ნიორი - 1 კბილი, ჰერკულესი - 1-2 ს.კ. ორცხობილა, მცენარეული ზეთი, მარილი  და ახალდაფქული პილპილი გემოვნებით.

მომზადების წესი:

თევზის ფილე გავრეცხოთ, გავაშროთ და ხორვსაკეპში გავატაროთ. კომბოსტო გავრეცხოთ და ისიც გავატაროთ. ნორი გავფრცქვნა, დავჭყლიტოთ ან წვრილად დავჭრათ. ხახვი გავფრცქვნათ და წვრილად დავჭრათ. სტაფილო გავასუფთავოთ და გავხეხოთ. ხახვი და სტაფილო ცოტაოდენ მცენარეულ ზეთში მოვშუშოთ.

თასზე შევაერთოთ: თევზის ფარში, კომბოსტო, ხახვი, სტაფილო, მწვანილი, ნიორი, მარილი, პილპილი და იმდენი ჰერკულესი, რომ ერთგვაროვანი, წებოვანი მასა გამოვიდეს და მისგან კატლეტის გაკეთება შეიძლებოდეს.  წყალში დასველებული ხელებით ავიღოთ მასა და მივცეთ კატლეტის ფორმა. შემდეგ ეს ფორმა ამოვავლოთ დაფშვნილ ორცხობილაში.

კატლეტებს კარგად გაცხელებულ ტაფაზე მცენარეულ ზეთში ვწვავთ, სანამ მადისაღმძვრელ ფერს არ მიიღებს.

გადავაბრუნებთ, ერთხენს კიდევ ვწვავთ (1 წუთი მაინც), შემდეგ ცეცხლს მინიმუმამდე დავუწევთ, ტაფას თავზე დავაფარებთ და მომზადებამდე 10-12 წუთს დავიცდით.