მოსამზადებლად დაგჭირდებათ:
ქათმის ბარკლები - 6 ცალი, კარტოფილი - 600გრ., მაიონეზი -130გრ.
მომზადების წესი:
ბარკლები გარეცხეთ, გააშრეთ და მოაყარეთ მარილი და პილპილი (სურვილის შემთხვევაში წაუსვით დანაყული ნიორი). გათლილი კარტოფილი დაჭერით წრეებად. კარაქწასმულ ლანგარზე დააწყვეთ ბარკლები, გარშემო შემოუწყვეთ კარტოფილი და შეწვით 200 გრადუს ტემპერატურაზე გაცხელებულ ღუმელში, თითქმის მომზადებამდე.
ამის შემდეგ კარტოფილს მოაყარეთ მარილი, ხოლო ბარკლებს მოასხით მაიონეზი და შედგით ღუმელში კიდევ 15-20 წუთით. სუფრასთან მიტანის წინ თეფშზე დადეთ ბარკალი და შემოაწყვეთ კარტოფილი.
ულუფა: 6; მომზადების დრო: 50 წთ.