ეს რეცეპტი გვარწმუნებს, რომ სამარხვო დღეებში შესაძლებელია უგემრიელესი დესერტით სიამოვნების მიღება.

ინგერედიენტები დიამეტრში 15სმ-ანი ფორმისთვის:

150გრ ფქვილი

50გრ დაფქული ნუში

0,5 ჩაის კოვზი სოდა

0,5 ჩაის კოვზი მარილი

200გრ შაქარი

ნახევარი ლიმონის წვენი და ცედრა

1 ჩაის კოვზი ნუშის ექსტრაქტი(თუ გაქვთ)

80მლ ზეთი

150გრ ცივი წყალი

ნუშის ფურცლები მოსართავად

მომზადების წესი:

1. ჯამში აურიეთ ფქვილი, დაფქული ნუში, მარილი, სოდა და შაქარი.

2. ფხვიერ ინგრედიენტებს დაუმატეთ რიგრიგობით წვენი და ლიმნის ცედრა, ნუშის ექსტრაქტი, ზეთი და წყალი. კარგათ აურიეთ ერთგვაროვანი ცომის მიღებამდე.

3. ფორმაში ჩაასხით ცომი, ზემოდან ნუშის ფურცლები მოაყარეთ. გამოაცხვეთ წინასწარ 175 გრადუსზე გახურებულ ღუმელში 30-40 წუთის განმავლობაში.

გემრიელად მიირთვით!